“Microsoft” korporasiyasının elmi layihələrindən biri olan WorldWide Telescope artıq Moskva planetariyası üçün də əlçatandır. Belə ki, Moskva planetariyasının “Lunarium” zalında interaktiv stend işləməyə başlamışdır.
“Computerworld” jurnalının məlumatına görə, burada ziyarətçilər Kinect sensoru vasitəsilə ulduzlara virtual səyahət edə, kainatın sirləri və Yer kürəsindən minlərlə işıq ili uzaqda olan dünyalarla tanış ola biləcəklər.
WorldWide Telescope proqramı – bulud verilənləri anbarı teleskoplardan və kosmik stansiyalardan kainata dair əldə edilmiş görüntülərin terabaytlarını bir böyük kainat panoramasında birləşdirir. “Microsoft Research” in elmi-tədqiqat bölməsinin bu layihəsi Günəş sistemi və Yer kürəsi planetlərini ətraflı şəkildə gözdən keçirməyə, bürcləri öyrənməyə, həmçinin baş vermiş və baş verəcək göy hadisələrini müşahidə etməyə imkan verir.
AzərTac