Qoç – İş ortaqlarınız və dostlarınızla münasibətlər getdikcə gərginləşir. Kimin sizdən nə istədiyini heç cür anlaya bilmirsiniz. Sizin adəti metodlarınız – birbaşa hücum və təzyiq səmərəsizdir, çünki rəqibiniz başqa silahdan istifadə edir – intriqa! Odur ki, hiyləgər tərəfdaşa ehtiyacınız var.
İş vərdişlərini dəyişmək, qrafikə düzəliş etmək faydalı olar. Bunlar məhsuldarlığın artmasına səbəb olacaq. Günün ikinci yarısı gəlirlərinizi artırmağa imkan verən yaxşı bir plan fikirləşib tapacaqsınız.

Buğa – İşgüzar görüşlər məsləhət deyil: istənilən vədə asanlıqla inanırsınız, vicdansız ortaqlarınız isə etibarınızdan sui-istifadə edərək sizi yarı yolda qoya bilərlər. Sənədləri, xüsusilə də onlar uzunmüddətli əməkdaşlığa aiddirlərsə, imzalamaqdan çəkinin. İlkin razılaşma ilə kifayətlənin.
Bu gün filosofluğa meyllisiniz, cari işlərə isə diqqət ayrımağa çətinlik çəkirsiniz. Fəaliyyətsizliyiniz yaxınlarınızın xoşuna gəlmir və onlar bunu gizlətmirlər. Amma siz çox mehribansınız və dava-dalaşa yol vermək fikriniz yoxdur.

Əkizlər – Bu gün sizə xas olmayan mənəmlik özünü büruzə verəcək. Nəinki özünüzə məxsus olanı qoruyub saxalamaq, həmçinin başqasının əlindəkini də tutub almağa çalışırsınız. Təbii ki, bu halda münaqişələrdən qaçmaq çətindir. Qələbə şanslarınız var, amma eyni zamanda düşmən də qazanacaqsınız.
Ünsiyyətə açıq, mehriban və səmimi insanlarla münasibətləriniz yaxşıdır. Amma nə yazıq ki, kimdənsə azacıq şübhələnsəniz, onu hiyləgər hesab etməyə başlasanız, o andaca onunla əlaqələri kəsirsiniz. İş burasındadır ki, siz xəyanətkarı lazım olmayan yerdə axtarır və günahı olmayanları incidirsiniz.

Xərçəng – Böyük ümidlər bəslədiyiniz planlar həyata keçməyə bilər. Çoxsaylı müxtəlif iş və problemlər də başınızı qatacaq. Günün ortasına doğru bu səbəbdən həm əhvalınız korlanacaq, həm də yorulacaqsınız. Axşamı istirahətə və faydalı məşğuliyyətlərə sərf etsəniz, vəziyyəti düzəldə bilərsiniz.
Elmlə və tədqiqat işləri ilə məşğul olan Xərçəngləri uğur gözləyir. Biznesmenlər isə bəzi işlərin avtomatlaşdırılması barədə fikirləşsələr, yaxşı olar: bu, həm vaxta, həm də pullara qənaət etməyə imkan verər.

Şir – Siz gümrah və şənsiniz, fiziki formanız da əladır. Məqsədinizə doğru irəliləyərkən qarşınıza maneələr çıxır, amma bu, sizi qorxutmur. Mənəvi dəstəyə ehtiyacı olan insanlar sizə doğru can atırlar, siz isə onlarla öz enerjinizi paylaşırsınız.
Maliyyə vəziyyətdən isə gün uğurlu deyil: itkiləriniz ola bilər. Sövdə etməyə tələsməyin, yaxşı olar ki, işgüzar aktivliyinizi azaldasınız. İş ortaqları axtarın, əcnəbi nümayəndələrə daha çox diqqət yetirin.

Qız – Evdə və işdə şərait çox əsəb tələb edir, bu isə sizin doğru qərar verməyinizi əngəlləyir. Məsləhət almağa da kimsə yoxdur, odur ki, sakitləşin və hər şeyi müstəqil surətdə götür-qoy edin. Şərait nə qədər çətin olsa da, çıxış yolu var. Monoton işdən çəkinməyin, rahat templə işinizi görün və anlayacaqsınız ki, getdikcə sakitləşirsiniz. Xəttatlıq qabiliyyətiniz varsa, bu işlə başınızı qatmağa çalışın.
Əmlak bölgüsünə dair hüquqi məsələlərin yoluna qoyulması, vergilərin ödənilməsi üçün münasib gündür.

Tərəzi – Çox narahat gündür, xeyli həyəcan keçirəcəksiniz. Uşaqlıqda yaşadığınız küskünlüklər, qorxu və komplekslər yenidən üzə çıxacaq. Bunların öhdəsindən gəlmək üçün dedikcə soyuqqanlı olmaq lazımdır. Yaşlı qohumlarınız və köhnə dostlarınızla münaqişələr mümkündür: onlar sizin keçmişiniz haqqında çox şey bilirlər.
Hansısa işdə uğur qazanmağınıza yalnız öz tənbəlliyiniz mane ola bilər. Vaxtınızı boşa keçirdiyiniz üçün imkanları əldən verirsiniz. Toparlanmağa çalışın.

Əqrəb – İş və şəxsi münasibətlər bir-birinə qarışır, bu isə həm birinciyə, həm də ikinciyə pis təsir göstərir. Hər yanda qayda-qanun yaratmaq cəhdləriniz isə bir nəticə vermir. Düzdür, tərəfdaşlarınızın köməyinə ümid edə bilərsiniz. Yardım istəməyə utanmayın, əgər nəyə ehtiyacınızın olduğunu düzgün izah etsəniz, heç kim sizdən köməyini əsirgəməyəcək.
Təklikdə qalmaq, fikrinizi özünüzə cəmləşdirmək istəyirsiniz. Xüsusən günün ortasında bu həvəsiniz daha da güclənəcək. Bu dövr üçün heç bir görüş təyin etməyin.

Oxatan – Ünsiyyət üçün çətin gündür: yaxınlarınız sizi qıcıqlandırırlar, elə gəlir ki, onlarla dil tapmaq, ümumiyyətlə, mümkün deyil. Aşiq Oxatanlar üçün də gün xoş keçmir. Onlar elə özlərinin qurduqları yalan illüziya və stereotiplərin əsirinə çevrilirlər.
Mürəkkəb peşəkar məsələlərin həllində isə uğurlusunuz. Vacib olanı diqqətlə seçməyə nail olursunuz. Bir çox Oxatanlar karyerada yüksəliş əldə edə bilərlər.

Oğlaq – Qadınlarla dil tapmaq çətindir, hətta bir az əvvəl sizə dəstək olanlar indi kənar gəzirlər. Fikir ayrılıqları o qədər ciddidir ki, hətta əlaqələrin qırılmasına da səbəb olur. İşdəki atmosfer çox gərgindir, hiss edirsiniz ki, həmkarlarınız nəyisə gizlədirlər, amma bunu aydınlaşdırmaq mümkün olmayacaq.
Ev işləri üçün münasib gündür. Xanım Oğlaqlara onların kişi qohumları məişət problemlərini həll etməkdə kömək edəcəklər. Kişi Oğlaqlar isə hər bir işdə özlərinə əyləncə tapacaqlar.

Dolça - Kişilərin sizə qarşı irəli sürdükləri tələblərə riayət etmək çox çətindir.
Hər bir şeyi atıb getmək həvəsi yaranır, bu səbəbdən hətta çox yaxşı bir layihəni yarımçıq qoymaq ehtimalınız var. Bu gün qəbul etdiyiniz bir çox qərarlar maliyyə itklərinə səbəb olacaq.
Qadınlarla ünsiyyət üçün isə əla gündür: onlar istənilən məsələdə, eyni zamanda əmlak problemlərində sizə həvəslə kömək edəcəklər. Yaşlı qadın qohumlarınızın məsləhətlərinə qulaq asmaqla həyatınızı yaxşıya doğru dəyişə bilərsiniz.

Balıqlar – Münaqişələr gözlənilir. Emosional fon sabit deyil, bu səbəbdən də mübahisələrdən qaçmaq çətindir. Ətrafınızdakılar tez-tez işinizə qarışırlar, siz isə müdafiə mövqeyinə keçərək müstəqil qərarlar vermək hüququnuzda israr edirsiniz.
Texnika ilə problemlər də məhsuldar işləməyə mane olur. Xüsusən təcili bir iş çıxanda texnika xarab olur. Vaxtınızı intellektual məsələlərin həllinə, fəlsəfi mövzuların müzakirəsinə həsr edin. Siz gözəl və inandırıcı danışırsınız, sizə qulaq asanlar feyziyab olurlar.