Dekabrın 28-də Bakıda “Ev heyvanlarının sirli həyatı” cizgi filminin motivləri əsasında əyləncəli interaktiv tamaşa təqdim olunacaq.
Moskvanın boy kuklaları şousunun repertuarında nümayiş olunacaq əyləncəli tamaşa dekabrın 30-dək davam edəcək.
Tamaşada cərəyan edən hadisələr hər bir məhəllədə xeyli sayda ev heyvanının olduğu Nyu-York şəhərində baş verir.
Tamaşanın süjeti belədir: Ev sahibi və ya sahibənin evdən çıxdığı zaman sevimli ev heyvanınızın nə ilə məşğul olduğunu heç fikirləşmisinizmi? O zaman bunu inanılmaz bütün həqiqətləri ilə öyrənməyə hazır olun!
azertag.az