Dekabrın 21-də AzTV-nin Səid Rüstəmov adına Xalq Çalğı Alətləri Orkestrinin yaranmasının 85 illiyi münasibətilə konsert proqramı təşkil olunacaq.
M.Maqomayev adına Azərbaycan Dövlət Filarmoniyasında gerçəkləşəcək tədbir Mədəniyyət və Turizm Nazirliyi və AzTV-nin birgə təşkilatçılığı ilə baş tutacaq. Tədbirdə orkestrin yaranmasından, Azərbaycan Televiziya və Radiosunda, o cümlədən ölkəmizin mədəni həyatındakı fəaliyyətindən də söz açılacaq.
Konsertdə xalq çalğı alətləri orkestrinin müşayiəti ilə bir sıra xalq və bəstəkar mahnıları səsləndiriləcək.
azertag.az