Təhsil Nazirliyi dövlət və özəl sektorlardakı tərəfdaşlarla birlikdə ali təhsil müəssisələrində innovativ sahibkarlığın inkişafını gücləndirməyi qərara alıb.
Bu barədə dekabrın 15-də “ADA” Universitetində “Praktik məsləhətlər üçün regional sessiya” mövzusunda keçirilən seminarda təhsil nazirinin müavini Ceyhun Bayramov məlumat verib.
Nazir müavini qeyd edib ki, 2017-ci ildə Azərbaycanda müvafiq nazirlik və idarə əməkdaşlarının iştirakı ilə xüsusi komissiyanın yaradılması, bu qurum tərəfindən yüksək texnologiyalar sahəsində sahibkarlıq strategiyasının hazırlanması təklif olunub. Eyni zamanda, Azərbaycan universitetlərində də müvafiq startap-inkubator və akseleratorların yaradılmasına ehtiyac var. Bu sahədə dünya təcrübəsinin öyrənildiyini deyən C.Bayramov hazırda bununla bağlı müvafiq işlərin aparıldığını diqqətə çatdırıb.
azertag.az