Violonçelçalan, beynəlxalq mükafatlar laureatı Camal Əliyev iyulun 6-da Uelsdə Qauer festivalında çıxış edəcək.
Bu barədə məlumat festivalın və Camal Əliyevin rəsmi saytlarında yer alıb.
Gənc violonçel ifaçısı festivalda Kreyq Uayt (fortepiano) ilə birgə çıxış edəcək. Konsertdə F.Şubertin, F.Şopenin, R.Şumanın və S.Raxmaninovun əsərləri səsləndiriləcək. Festival iyulun 1-dən 15-dək davam edəcək.
Camal Əliyev Türkiyə, Böyük Britaniya, Fransa, İsveçrə, Çin və başqa ölkələrdə bir sıra beynəlxalq festivallarda iştirak edib, solo konsertlər verib. O, Azərbaycan tarixində ilk dəfə BBC radiosunda orkestrin müşayiəti ilə solo çıxış edib, “BBC Introducing Classical Artist” proqramının iştirakçısı olub. Cari ilin martında “Sir Karl Jenkins” musiqi müsabiqəsinin birinci mükafatına layiq görülüb.
azertag.az