İyunun 23-də “Qradskiy Holl” teatrında Emil Qədirovun “Məhəbbət, sən nifrətlə dostluq edirsən...” solo albomunun təqdimatı və konserti olacaq.
Bu barədə məlumat Emil Qədirovun və teatrın rəsmi saytlarında yer alıb. Konsertdə Emil Qədirov (bariton) “Qradskiy Holl” teatrının orkestri ilə birgə çıxış edəcək. Bununla da teatr cari mövsümə yekun vuracaq.
E.Qədirov Kreml Sarayında, İttifaqlar evinin sütunlu salonunda, Moskva musiqi evi, Mərkəzi alimlər evi, Xilaskar İsa Məbədində solo konsert proqramları ilə çıxış edib. O, Rusiyanın “Qolos” layihəsinin iştirakçısı olub, hazırda “Qradskiy Holl” teatrının solistidir. Həmvətənimizin repertuarına dünya klassik operasından ariyalar, dünya bəstəkarlarının romansları və estrada mahnıları daxildir.
azertag.az