Rusiya İnformasiya və Mədəniyyət Mərkəzində (RİMM) bu qurumun Uşaq Yaradıcılıq Mərkəzinin teatr və rəqs studiyalarının növbəti açıq dərsi keçirilib. Budəfəki tədbirin mövzusu “Naməlum Puşkin” olub.
Uşaqlar öz müəllimləri – S.Vurğun adına Azərbaycan Dövlət Rus Dram Teatrının aktyorları – Xalq Artisti Aleksandra Nikuşina və Teymur Rəhimovun rəhbərliyi ilə Aleksandr Puşkinin (1799-1837) geniş ictimaiyyətə az məlum olan əsərlərindən ibarət ədəbi kompozisiyalar, həmçinin şairin yaşadığı dövrün bal rəqslərini təqdim ediblər.
azertag.az