Aprelin 14-də Beynəlxalq Muğam Mərkəzində “Seyid Əzim Şirvani” adlı ədəbi musiqili gecə təşkil olunacaq.
Mədəniyyət və İncəsənət Universitetinin təşkilatçılığı ilə baş tutacaq musiqili gecədə Xalq Artisti Simarə İmanova, Əməkdar Artist Teyyub Aslanov, xanəndələr Günay Mehdiyeva, Məftun Səfərli, Xalid İmanov və başqaları çıxış edəcəklər.
Konsertdə böyük şairin qəzəlləri muğam üstə ifa olunmaqla yanaşı, bir sıra xalq və bəstəkar mahnıları da səsləndiriləcək.
Tədbirin təşkili Şirvan ədəbi irsinin qorunub saxlanması, ədəbi-bədii irsin gənc nəslə ötürülməsi, şairin əsərlərinin təbliği məqsədi daşıyır.
azertag.az