Bu il Gəncə şəhərində və onun inzibati ərazisinə daxil olan Hacıkənd qəsəbəsində 3 otel istifadəyə veriləcək.
Şəhərin mərkəzində Heydər Əliyev prospekti ilə Cavad xan küçəsinin kəsişməsində inşa edilən və ümumi sahəsi 5 min 586 kvadratmetr olan “Majestic Palace” mehmanxanasının daxilində hazırda son tamamlama işləri görülür.
Şəhərin mərkəzində, Nağı bəy Şeyxzamanlı küçəsində inşa edilən və ümumi sahəsi 2 min 500 kvadratmetr olan, 8 mərtəbəli “Otel Univermaq”ın isə dəmir-beton və daş-hörgü işləri başa çatıb.
Hacıkənd qəsəbəsində tikilən 7 mərtəbəli “ARFA” mehmanxanasında da son tamamlama işləri həyata keçirilir. “ARFA” mehmanxanasının istifadəyə verilməsi Hacıkənd və Göygöldə qış turizminin inkişafına töhfə olacaq.
azertag.az