Ağırlıqqaldırma üzrə Azərbaycan yığmasına yeni məşqçi cəlb olunub. Apasport.az saytının məlumatına görə, millimizin bolqarıstanlı baş məşqçisi Zlatan Vanevin yeni köməkçisi müəyyənləşib.
Bu, çalışdırıcının həmyerlisi Dimitar Kolevdir. Əvvəllər də Bolqarıstandan kənarda çalışan Kolev üçün Azərbaycanda işləmək çətin olmayacaq. Çünki o, millimizin sabiq baş məşqçisi Yanko Rusevin vaxtında da komandamızda çalışıb. Lakin 2009-cu ildə uzun müddətli müqavilə bağlayan Kolev qısa zaman kəsiyindən sonra vətəninə göndərilib.
Bundan başqa, Dimitar məşhur İvan İvanovun məşqçilər korpusunda yer alaraq, İran və Tunisdə çalışıb.
Milli.Az