Azərbaycan Dövlət Tərcümə Mərkəzinin dil və tərcümə işinin təkmilləşdirilməsi, ölkədə fəaliyyət göstərən peşəkar tərcümə mütəxəssislərinin müəyyən edilməsi və sertifikatlaşdırılması üzrə 2019-cu ilin birinci seçim turu davam edir.
Tərcümə Mərkəzindən bildirilib ki, turda iştirak etmək üçün şəxsiyyət vəsiqəsinin surəti və CV bu qurumun info@aztc.gov.az ünvanına göndərilməli, yaxud kağız formatında Bakı şəhəri, Əlimərdan bəy Topçubaşov küçəsi, 74 ünvanına təqdim edilməlidir.
Mərkəzin elektron poçtuna göndərilən sənədlərin “mövzu” bölümündə namizədlərin hansı dil və tərcümə sahəsi üzrə ixtisaslaşdığı qeyd edilməlidir.
Sənədlərin qəbulu gələn ilin fevralın 28-dək davam edəcək.
azertag.az