Azərbaycan Yazıçılar Birliyinin üzvü, şair-tədqiqatçı Hikmət Məlikzadənin “Nəzakət Məmmədovanın yaradıcılığında Vətən kodları” adlı növbəti monoqrafiyası işıq üzü görüb. Kitab tanınmış şair-publisist, “Yada düşdü” jurnalının baş redaktoru, Respublika “Xatirə” Kitabı Redaksiyasının rəhbəri Nəzakət Məmmədlinin yaradıcılığına həsr olunub.
Kitabda N. Məmmədlinin yaradıcılığı, xüsusən də, “Yurd dediyim bu torpaq...” kitabı elmi aspektdən, filoloji təhlilə cəlb edilib. Müəllif Nəzakət xanımın yaradıcılığındakı Vətən siqlətini, bu predmetin şəkli xüsusiyyətini hərf-rəqəm hesabı ilə açıb, bu faktorun kod və şifrələrini təyin edib.
Kitab geniş oxucu kütləsi üçün nəzərdə tutulub.
azertag.az