“Nar Mobile” ilk təhsil günü ilə bağlı yeni müsabiqə elan edir
16.9.2013

“Nar Mobile” mobil operatoru sentyabrın 16-da ilk təhsil günü ilə bağlı sosial mediada fəal olan valideynlər üçün yeni müsabiqə başlayacaqdır.
Şirkətdən bildirilmişdir ki, “Məktəbdə ilk gün” adlanan yeni müsabiqə foto yarışması olacaqdır. Bu yarışmada “İlk dəfə məktəbə” mövzusunda çəkilmiş şəkillərin müəllifləri iştirak edə biləcəklər.
Müsabiqədə iştirak etmək istəyən şəxslər şəkilləri “Nar Mobile” ın rəsmi “Facebook”, “Tweeter” və “Instagram” səhifələri vasitəsilə göndərə bilərlər.
Qalib əvvəlcədən müəyyən olunmuş münsiflər heyətinin qərarı ilə seçiləcək və “Nar Mobile” tərəfindən “iPad 4” və 50 manatlıq məktəb ləvazimatları kuponu ilə mükafatlandırılacaqdır.
Yarışmaya “Nar Mobile”ın rəsmi sosial media səhifələrinə üzv olaraq qoşulmaq olar. Sentyabrın 16-17-də göndərilən şəkillər müsabiqədə iştirak etmək hüququ qazanacaqdır.

AzərTac